HULA HOOP

Kaixo!!!

Gaur oso dibertigarria den "hula hoop"ari buruz arituko natzaizue. Oso ezaguna da plastikozko aro hau gerriaren inguruan bueltak ematean datzana. Normalean jolasteko erabiltzen bada ere, ariketa fisiko gisa oso interesgarria eta dibertigarria izan daiteke. Izan ere, onura asko dauzka bai alderdi fisikoan eta baita psikologikoan. Ondoren onura horietako batzuk aurkezten dizkizuet:

• Muskuluak indartzen laguntzen du; hala nola, gerria, hankak, sabela, aldakak edo bizkarra
• Ariketa aerobikoa ere bada, hau da, gantza erretzeko, edo beste modu batera esanda, pisua galtzeko baliogarria da
• Gorputzeko atal desberdinen koordinazioa lantzen da eta, beraz, kontzentrazioa eskatzen duen jarduera da gorputza kontrolatu beharra dagoelako
• Flexibilitatea lortzen laguntzen du
• Gorputzaren postura hobetu egiten da
• Jarduera fisiko guztiekin gertatzen den antzera, emozionalki hobeto sentitzen eta autoestima igotzen laguntzen du

Beraz, umeek erabili ohi duten jostailu hau oso onuragarria denez, haren erabilera sustatu beharko litzateke umeen artean eta baita helduen artean ere.

Animatu eta mugitu gerria!

GORPUTZ-MASAREN INDIZEA

Oraingo honetan osasun fisikoaz arituko natzaizue, zehazki gorputz-masaren indizeaz. 

Gure pisua eta altuera erlazionatzen duen formula baten bitartez, gorputzean daukagun gantza altuerarekin bat datorren jakin daiteke, hau da, osasuntsu gauden ala argaldu edo loditu beharra dugun jakin dezakegu.

Formula ondorengo hau da:

Hots, gure altuera bider gure altuera egin behar dugu eta, ondoren, gure pisua zati aurreko eragiketak lortutako zenbakia. Emaitza gantz-kopurua izango da. 

Eragiketa egitean, gure GMI-a non aurkitzen den topatu behar da ondorengo taulan eta osasuntsu gauden ala ez jakingo dugu.

Pisu gutxiegi	18,5 baino gutxiago
Pisu egokia	18,5 eta 24,9 bitartean
Pisu gehiegi	25 eta 29,9 bitartean
Obesitatea	30 baino gehiago

Adibidez, pertsona batek 1,6 zm neurtzen baditu eta 55 kg-ko pisua badauka, bere GMI-a 21,1ekoa izango litzateke. Beraz, pisu egokia edukiko luke osasunaren ikuspegitik.

MUSIKA ETA IZAERA

Aurreko sarrerarekin lotuta, Musikoterapiaz hitz egitea pentsatu dut. Zientzia honek musikak entzulearengan duen eragina aztertzen du. Hau da, pertsona batek musika zehatz bat entzutean nola sentitzen den. Izan ere, musika guztiek ez gaituzte berdin sentiarazten, batzuekin dantzatzeko eta barre egiteko gogoa pizten zaigu, beste batzuekin oroitzapen tristeak etortzen zaizkigu burura, mota batzuetako musikak baztertu egiten ditugu ez zaizkigulako gustatzen eta deseroso sentiarazten gaituztelako ... 

Noski, musika guztiek ez dute eragin berbera pertsona guztiengan. Adibidez, aurrekoan proposatu nizuen "Good time" abestia niri asko gustatzen zait eta entzutean pozik jartzen naiz, baina gerta daiteke pertsonaren batek diskoteka batean abesti hori jarrita zegoen bitartean izandako borroka bat gogoratzea eta, beraz, entzun nahi ez izatea.

Beraz, esan daiteke musikak balio handia daukala gure gizartean eta baita norberaren izaerarengan. Izan ere, musikak egun triste bat animatzea lortu dezake. Ze interesgarria ezta?

IT'S ALWAYS A GOOD TIME

Azkenaldian zoriontsu izatearen inguruan hitz egiteko gogoa daukat eta pilo bat gustatzen zaidan abesti batez gogoratu naiz eta, noski, zuekin konpartitzea erabaki dut. Aipatutako abestia Carly Ray Jepsen eta Owl City abeslarien "Good time" da. Oso animatua da, edo ni behintzat asko animatzen naiz entzuterakoan, eta transmititzen duen mezua oso positiboa da: "momentu guztiak onak dira". 

Entzun ezazue, goza ezazue eta kontatuko didazue ea animatzen zaituzten ala ez.

ZORIONTSU IZAN

Kaixooo!!!

Hemen nago berriro ere zuen osasunaren aldeko aholku txiki batzuk emateko.

Oraingo honetan Elsa Punset psikologoaren bideo bat aurkezten dizuet, non zoriontsu izateko zenbait proposamen ematen dituen. Bideo bakarra aukeratu dut, baina youtuben Elsa Punset-en bideo mordo bat dauzkazue eta guztietan oso gai interesgarriak lantzen ditu. Niri, pertsonalki, asko gustatzen zait emakume ikaragarri hau, oso ondo azaltzen duelako eta bere izaerak lasaitasun eta konfiantza handia transmititzen didalako. Horregatik, gomendatzen dizuet proposatzen dizuedanaz gain, beste bideoren bat ikustea.

Espero dut interesgarria iruditzea eta ez ahaztu: zoriontsuak izan zaitezte!

AUTOESTIMA

Blog-aren aurkezpenean osasunaren bi alderdiez berba egin nizuen, hots, alderdi fisikoaz eta psikologikoaz. Fisikoaren inguruan nahikotxo lan egin dudan bitartean, psikologikoa apur bat alboratuta utzi dut. Hori dela eta, horretan lan egitea erabaki dut eta gaur aukeratutako gaia autoestima izan da.

Autoestima norberak bere buruaz duen kontzeptua eta horretaz egiten duen balorazioa da. Esate baterako, pertsona bat oso lotsatia izan daiteke eta nortasunaren ezaugarri hori ikuspuntu positibotik edo negatibotik baloratu daiteke. Hau da, pertsona horrek lotsatia izatea txarra dela uste dezake gainerako pertsonekin harremantzeko zailtasunak dituelako, baina ere pentsatu daiteke hori ona dela modu horretan egiten duen guztia aurretik pentsatzen duelako eta, modu horretan, gauzak txarto egiteko edo modu desegokian jokatzeko probabilitate gutxiago edukiko ditu.

Horren arabera, autoestima ona ala txarra izan daiteke, norberak bere buruari egiten dion balorazioa positiboa ala negatiboa bada kontuan hartuta. Egokiena, argi dagoenez, autoestima ona izatea da. Bere buruarekin pozik dauden pertsonak zoriontsuagoak izaten ohi direlako. 

Nik Laurent Gounelle idazle frantsesaren "No me iré sin decirte a dónde voy" liburuan irakurritako jarduera bat proposatzen dizuet, zuen burua gehiago baloratzen lagunduko dizuena. Bertan, protagonistaren lagun batek zera egiteko esaten dio: egunero, oheratzean egunean zehar egindako hiru gauza on pentsatzea. Modu horretan gauza pilo ondo egiteko gai zaretelaz konturatuko zarete (egun bakoitzean behintzat 3 gauza, astean zehar 21, hilabetearen bukaeran 84, urte batean 1.008 ...) eta hobeto sentituko zarete, zuen inguruko pertsonekin harreman hobeagoa edukitzen lagunduko dizuena eta, beraz, zoriontsuagoak izango zarete.

Espero dut baliogarriak izatea nire blog honetan ematen dizkizuedan aholku guztiak!

Hurrengora arte!

LO EGITEAREN GARRANTZIA ETA ZENBAIT AHOLKU

Kaixo!!!

Gaur lo egitearen inguruan mintzatuko natzaizue. 

Jakina da lo egiteak gorputza eta burua deskantsatzeko oso inportantea dela. Horregatik loa ahalik eta ona eta sakona izan behar da benetan deskantsatu ahal izateko. Horretarako, ondoren zenbait aholku bildu ditut baliogarriak izango zaizkizuelakoan:

• Oheratu eta 5 minutura lokartu ez bazara, hobe da altxatu eta benetan logure zarenean oheratzea ohean bueltak ematen ibili baino.
• Gorputzak loarako ohitura bat izan behar du. Horregatik, egunero ordu berean oheratzen eta esnatzen saiatu behar gara.
• Oheratzean lo egiteko prest egon, ez ibili beste jarduera batzuk egiten bestela gorputzak oheratzearen helburua ahaztu egiten duelako. 
• Ariketa fisikoa egin. Izan ere, kirola egin ondoren gorputza erlajatuta gelditzen da, lokartzeko erabat beharrezkoa dena.
• Kafeina duten edariak ekiditu, loa hartzea zailtzen baitu.
• Oheratu baino lehen bainu bat hartu (hobetu bainua dutxa baino) erlajatzen laguntzen duelako.
• Oheratu baino bi ordu lehenago afaldu, digestioa eginda egon dadin eta, beraz, gorputza erabat lasai egon dadin.
• Oheratu baino lehen komunera joan geroago gauean zehar komunera joateko esnatu behar ez izateko.
• Oheratu aurretik infusioren bat hartu.
• Logelako tenperatura 18º C ingurukoa izan behar da.
• Argiztapenik gabe lo egin
• Lokartzerako orduan gorputza erlajatzen saiatu, hau da, muskuluak askatzen eta arnasketa ahalik eta lasaiagoa izan dadin  ahalegindu.
• Gorputza lasaitzeaz gain, burua ere erlajatu egin behar da. Azken honekin lotuta, niri oso ondo etorri zaidan ideia bat kontatuko dizuet. Niri beti kostatu izan zait lokartzea oso estresatuta nagoen denboraldietan. Izan ere, ohean sartzean ezin diot egin behar dudan guztian pentsatzeari uzti eta zerbait ahaztearen beldur naiz. Orduan, horretarako, gauza asko egin behar ditudanean, oheratzean boligrafo eta orri bat edukitzen ditut eskura burura etortzen zaidan guztia apuntatzeko eta ez ahazteko, horrela lasaiago egotea lortzen dut. 

Sakondu nahi baduzue hemen uzten dizkizuet irakurri ditudan web-orriak:

 http://www.niunadietamas.com/blog/?p=1433

http://zientzia.net/artikuluak/zenbait-aholku-ongi-lo-egin-eta-hobeto-esnatzeko/

Eta argazkiaren irudiaren helbidea ondorengo hau da:

http://www.google.es/imgres?start=36&num=10&um=1&hl=es&client=firefox-a&rls=org.mozilla:es-ES:official&biw=1280&bih=670&tbm=isch&tbnid=ITX0bazpZ54fLM:&imgrefurl=http://radioamericahn.net/como-superar-el-dormir/&docid=fUSQ5PP34sz9mM&imgurl=http://radioamericahn.net/imag/2012/07/Dormir-Bien.jpg&w=576&h=384&ei=kc-kUP-GIIbKhAfHsIDwCg&zoom=1&iact=hc&vpx=362&vpy=344&dur=957&hovh=183&hovw=275&tx=159&ty=107&sig=112149170176879367869&sqi=2&page=3&tbnh=139&tbnw=209&ndsp=25&ved=1t:429,r:42,s:0,i:70 

OSASUNA LANTZEKO ARIKETA

Interneten trasteatzen ohitura osasungarriak lantzeko ariketa bat topatu dut, baina gazteleraz dago. Hala ere, umeekin lantzeko egokia izan daitekeela iruditu zait.

Hona hemen ariketara jotzeko helbidea:

http://www.vedoque.com/juegos/juego.php?j=habitos-saludables&l=es

KRONODIETA

Aspaldiko!

Bi astetan zehar jaia izan da eta ez dugu klaserik izan eta, hori dela eta, ez dut ezer idatzi. Baina sarrera berri bat egiteko momentua heldu da.

Joan den igandean "Mujer Hoy" aldizkarian elikadurari buruzko artikulu bat irakurri nuen, zehazki elikatzeko ordu egokia aukeratu beharra dagoela azaltzen zen eta oso interesgarria iruditu zitzaidan. Beraz, zuekin konpartitzea erabaki nuen. Heman uzten dizuet helbidea irakurri dezazuen:

http://www.hoymujer.com/Salud/Dietas/Crono-dieta-ritmo-nutricion-700251102012.html

Aspaldiko!

Bi aste inguru ezer idatzi barik egon ondoren, gaur kirola praktikatzearen onurez arituko natzaizue.

Jakina denez, ariketa fisikoa praktikatzeak pisua kontrolatzeko edota egoera fisiko onean egoteko balio du. Baina alderdi sozioemozionalean ere eragin positiboak izan ditzake.

Taldeko kirolen bitartez, beste pertsonekin harremanak edukitzeko aukera dago. Talde baten partaide sentitzeak eta beste pertsona batzuekin elkarlanean helburu komun bat lortzen saiatzeak sozializazioan, integrazioan eta autoestimuan  oso ondorio positiboak ditu. Izan ere, beste pertsonentzako baliagarria den zerbait egiteko gai garela ikusteak gure buruarekin hobeto sentitzea eragiten digu.

Bakarkako kiroletan, berriz, autonomia eta autokonfiantza garatzen da batez ere. Norberak bere kabuz eta bere onerako lortzen ditu helburuak eta horrek bere buruarekin ondo sentitzea (edo autoestima igotzea) ekartzen du.

Laburbilduz, kirola egitea oso garrantzitsua da osasuntsu izateko kontzeptu horren esanahirik zabalenean, baina horrek ez du esan nahi obsesionatu egin behar garenik. Gauza guztiak bezala, bere neurrian ona izan daiteke, baina gehiegi praktikatzen bada kaltegarria izan daiteke.

Gehiago jakiteko: http://www.ttiklik.com/es/blog/2012/07/02/kirolaren-onura-psikologikoak-gaztetxoentzat/

Kaixo berriro!!!

Blogaren aurkezpenean azaldutako moduan, osasuna oso kontzeptu zabala da. Hiru esparru hartzen ditu bere gain: fisikoa, mentala eta soziala. Hau da, osasuntsu egoteko hiru aspektu horietan ondo egon behar gara. Horrekin lotuta, aspektu horietako bakoitzean sasoi onean egoteko zenbait aholku ematen saiatuko naiz eta aurrerago ideia horiek garatu eta sakondu egingo ditut aurkeztuko ditudan sarrera berrietan.

• Higiene egokia izan
• Atseden hartu, hau da, ondo eta denbora nahiko lo egin
• Egunero ariketa fisikoa egin
• Elikadura egokia eduki
• Ura edan
• Erlajatu eta lasaitu
• Zoriontsu izan: barre egin, baikorra izan, inguruko pertsonekin (lagunak, familia, gelakideak, lankideak …) harreman ona izan …

Kaixo berriro ere:

Oraingo honetan elikadurak osasunean duen eragina eta garrantziaren inguruan hausnartzeko helbururarekin honako Power Point aurkezpena proposatzen dut. Bertan elikadurarekin lotutako bi gaixotasun lantzen dira: obesitatea eta anorexia. Kasu bakoitzean gaixotasun bakoitzaren inguruko azalpen txiki bat ematen da zehatz-mehatz zertan datzan ulertzeko eta, horrez gain, zenbait datu, pertsona bat gaitz hori edukitzera bultza ditzaketen arrazoiak, sintomak, etab. ageri dira.

Espero dut interesgarria iruditzea eta elikadurari duen garrantzia ematen ikastea.

ELIKADURA ETA OSASUNA from bioeuskadi

ELIKAGAIEN PIRAMIDEA

Elikaduraren gaiarekin jarraituz, elikagaien piramidearen irudi bat aurkezten dizuet. Piramidearen azpikaldean dauden elikagaiak maiztasun gehiagorekin, egunero, jan behar direnak dira eta puntan daudenak, berriz, oso noizbehinka jan daitezkeenak, koipe gehien dutenak direlako eta, beraz, kaltegarrienak direlako.

OGITARTEKO BAT EGUNERO

Elikadura egokia izatea oso garrantzitsua da ondo hazteko. Hona hemen umeen askari egokia zelakoa izan beharko litzatekeen azaltzen duen artikulua:

Open publication - Free publishing - More askari

BAIKORRA IZAN ZAITEZ!

Aurkezpenean azaldu nuenez, osasunak alderdi fisikoa eta psikologikoa dauka. Hori dela eta, oraingo honetan Chenoaren "Todo irá bien" abestia entzutea proposatzen dizuet, oso baikorra delako eta bizitza modu positiboago batean ulertzera laguntzen du. 

HIGIENEA

Jorratuko dudan lehenengo gaia higienearena izango da. Horretarako, umeekin modu dibertigarri batean lantzeko asmoz, oso ezaguna den Takolo, Pirritx eta Porrotxen "Xalala riki riki" abestia proposatzen dut.

AURKEZPENA

Oraingo honetan, Magisteritzako 2. mailako IKTko arloan Lehen Hezkuntzarekin eta teknologiekin zer-ikusia duen blog bat eratzea proposatu zaigu. Nik oso interesgarria iruditzen zaidan osasunaren gaia aukeratu dut.

OSASUNTSU HAZTEN bolg honetan osasuna bere zentzurik zabalenean lantzen saiatuko naiz. Gure burua, bai fisikoki eta baita psikologikoki, ahalik eta hoberen zaintzeko aholkuak emango ditut, topatzen dudan informazio interesgarria isladatuko dut, umeen hazkundean kontuan eduki beharreko aspektuak komentatuko ditut, etab. Beraz, ez da soilik irakaskuntzara edo hezkuntzara bideratutako informazio-iturri bat izango, baizik eta bere burua zaintzeko eta hobetzeko prest dagoen orok hona jotzeko aukera izango du.

Besterik gabe, espero dut lan polita eta irakurtzen duzunoentzako baliogarria izatea!